2008 ж.

«Қазақстанның бірлігі, тұтастығы және тәуелсіздігі» тақырыбындағы «дөңгелек үстел»


  2008 жылдың 10 желтоқсанында Тәуелсіздік күні қарсаңында Тұңғыш Президент Музейінде «Қазақстанның бірлігі, тұтастығы және тәуелсіздігі» тақырыбында «дөңгелек үстел» отырысы өтті. Жұмыс барысында егемен мемлекеттің қалыптасу және даму тарихының өзекті мәселелері талқыланды. «Дөңгелек үстелге» қатысушылар көп этносты қазақстан қоғамының бірлігін сақтау мен нығайтудың бірегей тәжірибесін қорытындылады.
«Дөңгелек үстел» жұмысына Қазақстан Республикасы Президенті Әкімшілігінің өкілдері, Парламент депутаттары, көрнекті ғылым қайраткерлері, қоғамдық ұйымдардың өкілдері қатысты.
    Іс-шара барысында Қазақстан Республикасы Президенті Мұрағаты, Қазақстан Республикасы Тұңғыш Президенті Қорының жанындағы Әлемдік экономика және саясат институты мен Қазақстан Республикасы Тұңғыш Президентінің Музейі басылымдары бойынша ұйымдастырылған кітап көрмесінің тұсаукесері өтті.
Отырыстың қорытындысында Қазақстан Республикасы Президенті Мұрағаты, Қазақстан Республикасы Тұңғыш Президенті Қорының жанындағы Әлемдік экономика және саясат институты мен Қазақстан Республикасы Тұңғыш Президентінің Музейі арасындағы өзара ынтымақтастық туралы шартқа қол қойылды.


«Мемлекеттілік рәміздері» қалалық ғылыми-тәжірибелік конференциясы

     2008 жылдың 12 желтоқсанында Қазақстан Республикасы Тұңғыш Президенті Музейінің Күмбезді залында «Мемлекеттілік рәміздері» тақырыбында қалалық ғылыми-практикалық конференция болып өтті.
      Конференцияға қатысушылар – көрнекті ғылым және мәдениет қайраткерлері, Мәслихат депутаттары, Астана қ. әкімшілігі мен жұртшылық өкілдері Қазақстан Республикасы мемлекеттік рәміздерінің қабылдану мәселелерін, олардың қазақстандық патриотизм мен белсенді азаматтық ұстанымды қалыптастырудағы рөлі мен маңызын, мемлекеттік рәміздерді дұрыс қолдану мен оны насихаттау мәселелерін талқылады.
      Конференцияны ұйымдастырушылар – Қазақстан Республикасы Тұңғыш Президентінің Музейі, «Әлеуметтік-мәдени бастамалар орталығы» қоғамдық бірлестігі мен Астана қ. Ішкі саясат басқармасы бірігіп, аталған іс-шараға байланысты «Қазақстан Республикасының мемлекеттік рәміздері» атты кітапша шығарылды. Әдістемелік материалдар конференцияға қатысушылар тарапынан кең қолдау тауып, жоғары және орта оқу орындарының оқытушыларына әдістемелік көмекші құрал ретінде ұсынылды.
 


Көрнекті саяси және мемлекет қайраткері Гейдар Алиевтің 85 жасқа толуына арналған конференция.

    Халықаралық ынтымақтастық аясында 10 мамырда ҚР Тұңғыш президентінің Музейінде Әзірбайжанның жалпыұлттық лидері, көрнекті саяси және мемлекет қайраткері Гейдар Алиевтің 85 жасқа толуына байланысты конференция болып өтті.
   Конференцияны ұйымдастырушылар – «Нұр Отан» халықтық-демократиялық партиясы, «Қазақстан - Әзірбайжан» достық және мәдениет ассоциациясы, Қазақстандағы Әзірбайжан елшілігі және Қазақстан Республикасы Тұңғыш Президентінің Музейі.
Конференцияны Қазақстан Республикасы Тұңғыш Президенті Музейінің директоры А. Сағынғали ашты.
     Конференцияда Парламенттің жоғары палатасының вице-спикері Мұхамбет Көпей, ҚР Парламенті Мәжілісінің депутаты Орал Мұхамеджанов сөз сөйледі.
Конференция жұмысына Қазақстан Республикасындағы Әзірбайжан Республикасы Елшілігінің Төтенше және Өкілетті елшісі Лятиф Сейфеддин оғлы Гандилов, Қазақстан Республикасындағы Ресей Федерациясы Елшілігінің Төтенше және Өкілетті елшісі Михаил Бочарников, Қазақстан Республикасындағы Ауғанстан Ислам Республикасының Төтенше елшісі және өкілетті өкілі Азиз Арианфар, Қазақстан Республикасындағы Грузия Елшілігінің Төтенше және Өкілетті елшісі Зураб Шургаия қатысты.
Г.Алиев қызметінің көп қырлы аспектілері, Әзірбайжандағы қазіргі заманғы саяси процестер туралы Парламент депутаттары, шетелдік елшіліктердің басшылары, «Нұр Отан» партиясының, қоғамдық бірлестіктер мен ұлттық-мәдени орталықтардың өкілдері, сондай-ақ жоғары оқу орындарының оқытушылары мен студенттері баяндама жасады.
      Гейдар Алиев елді бірнеше ондаған жылдар бойы басқарды, ол өткен ғасырдағы ең жарқын саясаткер, Әзірбайжан тәуелсіздігінің негізін салушы ретінде танылған. Гейдар Алиев Қазақстан-Әзірбайжан қарым-қатынасының орнығуына зор үлес қосты.

Конференция барысында мынадай бағыттарда үш секция жұмыс істеді:
• Президент және президенттік институт: отандық және әлемдік тәжірибе;
• Тұлға және қоғам;
• Музейлер - тарихтағы тұлғалардың рөлін зерттеу және насихаттау орталығы.