Шолу экскурсиялары

      Шолу экскурсиялары Музейді алғаш рет көруге келген және оның тарихы туралы жалпы мәлімет алуға қызығушылық танытқан келушілерге арналған. Шолу экскурсиялары барысында алынған мәліметтердің ақпараттық сипаты бар және ол экспозициялар мен залдарды қамтиды. Шолу экскурсиясының ұзақтығы 50 минут.

 
    Музейдің арнайы санаттағы келушілер қатарына ресми делегацияларды жатқызуға болады. Музейге әртүрлі уақытта келгендер: Түркменстан Республикасының Президенті Г. Бердымұхаммедов, Түркия Президенті А. Гюль, Беларусь Республикасының Премьер-министрі С. Сидорский, Катар Мемлекетінің Әмірі, Словения Республикасының Президенті Д. Тюрка, Македонияның Президенті Г. Иванов, Германияның экс-Канцлері Г. Шрёдер, Румыния Республикасының Президенті Т. Басэску, Жапонияның экс-Премьер-министрі Ю. Хатояма, Польша Республикасының  экс-Президенті А. Квасьневски, Малайзияның Премьер - министрі Наджиб Тун Абдул Разак, ЮНЕСКО-ның бас хатшысы К. Мацуури, Еуропа Кеңесі Парламенттік Ассамблеясының төрағасы Рене Ван дер Линден және т.б.

2017 жылдың ақпан айында Қазақстан Республикасының Тұңғыш Президенті – Елбасы кітапханасының Музейіне 4 367 адам келді. Келушілердің басым бөлігін қала тұрғындары, мектеп оқушылары, колледждер мен ЖОО студенттері, әскери қызметкерлер және елордамызға еліміздің әр аймақтарынан, алыс және таяу шетелдерден келген қонақтар құрады.
 
Астана қаласының мектеп оқушылары, колледждері мен ЖОО студенттері, сонымен қатар, қала тұрғындары мен қонақтары «Өзіңе жол табу» және «Туған жер»  уақытша көрмелері бойынша тақырыптық экскурсиялар тыңдады.
 
Өзбекстан, ҚХР, РФ, Ұлыбританиядан келген туристік топтарға, Үнді мәдениет орталығының қызметкерлеріне, Мемлекеттік Күзет қызметінің мамандарына «ҚР Президентінің Астана қ. алғашқы резиденциясы» экскурсиялық туры өткізілді.
 
 
 Музей экспозицияларымен: Әлеуметтік қызмет көрсету орталығының мамандары; Орталық әскери клиникалық госпиталь емделушілері; Қазақстан Республикасындағы Латвия Елшілігінің қонақтары; Қазақстан Республикасындағы Швейцария Елшілігінің қызметкерлері; ҚР Парламент депутаттары; ҚР Парламенті Мәжілісі Төрағасының орынбасары В.К. Божко, «Доксштейн» ТА (ГФР) журналистері; ҚР Президенті жанындағы Мемлекеттік басқару академиясының тыңдаушылары, сонымен қатар, Малайзия, Франция, Ұлыбритания, РФ, Әзірбайжан, Венгриядан келген туристер танысты. 

2017 жылдың қаңтар айында Қазақстан Республикасының Тұңғыш Президенті – Елбасы кітапханасының Музейіне 5 597 адам келді. Келушілердің басым бөлігін қала тұрғындары, мектеп оқушылары, колледждер мен ЖОО студенттері, әскери қызметкерлер, зейнеткерлер және Астанаға еліміздің әр аймақтарынан, алыс және таяу шетелдерден келген қонақтар құрады.


Астана қаласының мектеп оқушылары, колледждері мен ЖОО студенттері, сонымен қатар қала тұрғындары мен қонақтары «Тарихи таңдау. Стратегиялар» және «Қаралы қаңтар» – Тәуелсіздікке апарар жол» уақытша көрмелері бойынша тақырыптық экскурсиялар тыңдады.

Якутия, Бельгия, Израиль, АҚШ, Франциядан келген туристік топтарға «ҚР Президентінің Астана қаласындағы алғашқы резиденциясы» экскурсиялық туры өткізілді.

Музей экспозицияларымен: Қытай Халық Республикасы Халық Өкілдері Бүкілқытай жиналысының (ХӨБЖ) Тұрақты комитеті Бас хатшысының орынбасары Шэнь Чуньяо; ҚР Президентінің жанындағы Мемлекеттік басқару академиясының тыңдаушылары: аудандық сот төрағалары; Астана қаласы Сарыарқа ауданы әкімдігінің қызметкерлері; «Арман Тур» халықаралық туристік агенттігі жанындағы «Гид-аудармашылар, экскурсия жүргізушілер мектебінің» курс тыңдаушылары; «Рождестволық ертегі» халықаралық фестивалінің би ұжымдары (ТМД), сонымен қатар Беларусь, Ресей Федерациясы, Сингапур, Үндістан, Эстония, Италиядан келген туристер танысты.

Қонақтар өздерінің ыстық ықыластары мен жылы лебіздерін пікір-тілек кітабына қалдырды.


2016 жылдың қаңтар айында Қазақстан Республикасы Тұңғыш Президентінің Музейінде 8401 адам болды. Келушілердің басым бөлігін қала тұрғындары, мектеп, лицейлер оқушылары, колледждер мен ЖОО студенттері, әскери қызметкерлер және астанамызға еліміздің әр аймақтары мен алыс және таяу шетелдерден келген қонақтар құрады.

Астана қаласының мектеп оқушылары, колледждері мен ЖОО студенттеріне, сонымен қатар қала тұрғындары мен қонақтарына «Тарихи таңдау. Ұмтылыс» және «Уақыт құдыреті» уақытша көрмелері бойынша тақырыптық экскурсиялар өткізілді.
 
Музей экспозицияларымен Үндістан, Малайзия, Сингапур ЖОО-ның профессорлары мен студенттері, «Рождество жұлдыздары» халықаралық балалар байқауының қатысушылары, "Феерия" халықаралық музыкалық фестиваль-байқауына қатысушы Орал, Қорған, Омбы, Тверь қалаларының балалар халық аспаптар оркестрлерінің ұжымдары, сонымен қатар Германия, Малайзия, АҚШ, Чехиядан келген қонақтар танысты. «24KZ», «Еуразия бірінші арнасы» телеарналарына және «Стан KZ» ақпараттық порталына «Уақыт құдыреті» көрмесі бойынша сұхбат-экскурсиялар өткізілді.  

 


 

      2016 жылдың ақпан айында Қазақстан Республикасы Тұңғыш Президентінің Музейінде  7670 адам болды. Келушілердің басым бөлігін қала тұрғындары, мектеп, лицейлер оқушылары, колледждер мен ЖОО студенттері, әскери қызметкерлер және астанамызға еліміздің әр аймақтары мен алыс және таяу шетелдерден келген қонақтар құрады.

Астана қаласы мектептерінің оқушылары және колледждер студенттеріне Музейдің тұрақты экспозициялары бойынша «Атамекен», «Қару-жарақтар коллекциясы» атты тақырыптық экскурсиялар өткізілді. № 45 «Самұрық» балабақшасының тәрбиеленушілері «Атамекен» экспозициясы бойынша көшпелі экскурсия тыңдады.

Музей экспозицияларымен Ұлыбритания, АҚШ, Италия, Германия, Малайзия, Индонезия, Венгрия, ҚХР, Испаниядан келген қонақтар танысты.

ҚР Тұңғыш Президенті Музейінде өткен Олимпиадалық спорт күні аясында құрметті қонақтар қатарында ҚР Ұлттық Олимпиада Комитетінің өкілдері және 1996 жылғы Олимпиада Ойындарының чемпионы Юрий Мельниченко болды. Қонақтар өздерінің ыстық ықыластары мен жылы лебіздерін пікір-тілек кітабына қалдырды.

 
 

      2016 жылдың наурыз айында Қазақстан Республикасы Тұңғыш Президентінің Музейінде  8060 адам болды. Келушілердің басым бөлігін қала тұрғындары, мектеп, лицейлер оқушылары, колледждер мен ЖОО студенттері, әскери қызметкерлер және Наурыз мерекесіне орай астанамызға Қазақстанның әр өңірінен, сонымен қатар алыс және таяу шетелдерден келген қонақтар құрады.

      Астана қаласының мектеп оқушылары, колледждері мен ЖОО студенттеріне, сонымен қатар тұрғындары мен қонақтарына «Сұлулық желісі» уақытша көрмесі бойынша тақырыптық экскурсиялар өткізілді. Әскери полиция мамандарын даярлау орталығының қызметкерлері «Елбасы мәртебесі – ел мәртебесі» және «ҚР Тұңғыш Президенті Музейінің жинағындағы қару-жарақтар коллекциясы» атты көшпелі экскурсияларын тыңдады.

      Музей экспозицияларымен: «Танцевальная фиеста» Халықаралық хореографиялық өнер байқауының қатысушылары: Асбест қ., Екатеринбург қ., Қорған қ., Омбы қ. балалар би ұжымдары; Ауғанстан, Тәжікстан, Монғолия және ҚХР студенттері; ҚР Парламент Мәжілісі мен барлық деңгейдегі мәслихат депутаттарының сайлауына ТМД елдерінен келген халықаралық бақылаушылар; Татарстан Республикасы Орталық сайлау комиссиясының төрағасы Э.С. Губайдуллин; «Минченко GR Консалтинг. Международный институт политической экспертизы» холдингі президенті Е.Н. Минченко; РФ Федералды кеден қызметінің өкілдері, сонымен қатар Швеция, Малайзия, Испания, Италиядан келген туристер танысты.


      2016 жылдың сәуір айында Қазақстан Республикасы Тұңғыш Президентінің Музейінде  8172 адам болды. Келушілердің басым бөлігін қала тұрғындары, мектеп, лицейлер оқушылары, колледждер мен ЖОО студенттері, әскери қызметкерлер, зейнеткерлер, еңбек ардагерлері және астанамызға еліміздің әр аймақтары мен алыс және таяу шетелдерден келген қонақтар құрады.

      Музей экспозицияларымен Литва Республикасының Шаруашылық министрі Эвалдас Густас, Беларусь Республикасының ІІМ Ішкі әскері қолбасшысының орынбасары – полковник О.В. Маткин, Корея Республикасы Әділет министрлігінің өкілдері, Кембридж профессорлары және ҚХР, РФ, Үндістан, Франция, Италия, Норвегиядан келген туристер танысты. Қонақтар Музейден алған әсерлері мен жылы лебіздерін пікір-тілек кітабына қалдырды.

 

      2016 жылдың мамыр айында Қазақстан Республикасы Тұңғыш Президентінің Музейінде  9108 адам болды. Келушілердің басым бөлігін қала тұрғындары, мектеп, лицейлер оқушылары, колледждер мен ЖОО студенттері, зейнеткерлер, еңбек ардагерлері, сонымен қатар Отан қорғаушылар күні және Жеңіс күніне орай Қазақстанның әр түпкірінен келген қонақтар құрады.

      Астана қаласының мектеп оқушылары, колледждері мен ЖОО студенттеріне, қала тұрғындары мен қонақтарына және ҚР Ұлттық Қауіпсіздік Комитетінің қызметкерлеріне «Күнделікті өмір бейнелері» уақытша көрмесі бойынша тақырыптық экскурсиялар өткізілді.

      Музей экспозицияларымен Халықаралық әуесқой бокс қауымдастығының (AIBA) Президенті Чинг-Куо Ву, Швеция Корольдігі Риксдагының депутаты, ЕҚЫҰ Парламенттік Ассамблеясының вице-президенті Кент Харстедт, Франция Республикасының Қазақстан Республикасындағы Төтенше және Өкілетті Елшісі Франсис Етьен жұбайымен, «Исаакий Соборы» ММЕ және  Санкт-Петербург қ. Концерттік хорының (Смольный соборының камералық хоры) ұжымы, «BI Жұлдызай 2016» мүмкіндігі шектеулі балалар шығармашылығының XI Республикалық фестиваліне қатысушылар, ҚР Қорғаныс министрлігі ӘӘК қызметкерлері, Астана қ. ІІД жас қызметкерлері, «Жас қанат 2016» республикалық байқауына қатысушылар, сонымен қатар Венгрия, РФ, Корея, Эстония, Малайзия, Италия, АҚШ, Норвегиядан келген туристер танысты. Музей жайлы өздерінің ыстық ықыластары мен жылы лебіздерін қонақтар пікір-тілек кітабында қалдырды.

 

      2016 жылдың маусым айында Қазақстан Республикасы Тұңғыш Президенті Музейінде 14 181 адам болды. Келушілердің басым бөлігін қала тұрғындары мен Қазақстанның әр өңірлерінен келген қонақтар, әскери қызметкерлер, зейнеткерлер, еңбек ардагерлері, астанамызға алыс және таяу шетелдерден келген қонақтар құрады. Музейдің осы маусымдағы тұрақты келушілері қатарында қаламыздың мектеп жанындағы лагерьлерінің балалары болды.

      Музей экспозицияларымен Түркия Әскери Академиясының курсанттары, ИИР Парламентінің бірінші вице-спикері Мухаммад Хасан Абу-Тураби, Әлемдік және дәстүрлі діндер лидерлері Съезі хатшылығының XV отырысына қатысушылар, Түркия Есеп соты төрағасының орынбасары М. Өзқан, «KADEX-2016» IV халықаралық қару-жарақ пен әскери-техникалық мүліктер көрмесіне қатысушы Қытай, Словакия, Иран, Палестина және Иордания, Беларусь Республикасының қорғаныс саласы өкілдері, Беларусь Республикасының Қорғаныс министрі                  А.А. Равков, Жапонияның Қазақстандағы Төтенше және Өкілетті Елшісі Итиро Кавабата, Пәкістан Республикасы Қорғаныс өнеркәсібінің министрі Р.Т. Хусейн, ҚХР Коммунистік Партиясы ОК Халықаралық бөлімінің жетекшісі Сун Тао танысты.  «Қазақ ТВ» телеарнасына Музей залдары бойынша сұхбат-экскурсия өткізілді. Өздерінің ыстық ықыластары мен жылы лебіздерін қонақтар пікір-тілек кітабына қалдырды.


 

   2016 жылдың шілде айында Қазақстан Республикасы Тұңғыш Президенті Музейінде 12 659 адам болды. Келушілердің басым бөлігін еліміздің өңірлерінен келген қонақтар, еңбек ардагерлері, зейнеткерлер, шетелдік туристтер құрды. Осы кезеңдегі барынша жиі келушілер – Астана қ. мен өңірлердегі жазғы лагерь демалушылары болды.
    Музейдің тұрақты экспозициялары және уақытша көрмелерімен жоғарыда аталған музей келушілерімен қатар, ОҚО Мақтарал ауданы Әжелер алқасының төрайымдары мен мүшелері, Астана қаласының күніне орай өткен Халықаралық биенналеге қатысушылар, Британ саяхатшысы Томас Аткинсонның ұрпақтары танысты. «24KZ» телеарнасы үшін Мәжіліс залы экспозициясы бойынша экскурсия-сұхбат өткізілді. Қонақтар алған әсерлері мен жылы лебіздерін пікір-тілек кітабында қалдырды.
 
 

2016 жылдың тамыз айында Қазақстан Республикасы Тұңғыш Президентінің Музейінде 11861 адам болды. Келушілердің басым бөлігін Астана тұрғындары мен қонақтары, зейнеткерлер, әскери қызметкерлер, еңбек ардагерлері, алыс және таяу шетелдерден келген туристтер, сонымен қатар Конституция күніне орай Қазақстанның әр түпкірінен келген қонақтар құрады.

Музей экспозицияларымен: Иран Ислам Республикасының Қазақстан Республикасындағы Төтенше және Өкілетті Елшісі Моджтаба Дамирчилу; ИЫҰ Бас хатшысының орынбасары Мухаммад Наим Хан; Жаңа Зеландия, Ұлыбритания, Сингапур бизнес-компанияларының өкілдері; Семей ядролық сынақ полигоны жабылуының 25 жылдығына арналған «Ядролық қарусыз әлем құру» халықаралық конференциясына қатысушылар; ИИР Қорғаныс министрлігінің өкілдері, Қазақстан Республикасы Тәуелсіздігінің 25 жылдығына және Конституция Күніне арналған «Конституция – қоғам мен мемлекеттің серпінді және тұрақты дамуының негізі» атты халықаралық ғылыми-практикалық конференцияға қатысушы Армения, Германия, Иордания, Молдова, Қырғызстан, Ресей, Сербия, Түркия Конституциялық кеңестерінің өкілдері; Инчеон Ұлттық университетінің студенттері (Оңтүстік Корея), сонымен қатар АҚШ, Франция, Германия, Малайзиядан келген туристтер танысты. Өздерінің ыстық ықыластары мен жылы лебіздерін қонақтар пікір-тілек кітабына қалдырды.


2016 жылдың қыркүйек айында Қазақстан Республикасы Тұңғыш Президентінің Музейінде 10539 адам болды. Келушілердің басым бөлігін қала тұрғындары, мектеп, лицейлер оқушылары, колледждер мен ЖОО студенттері, астанамызға еліміздің әр аймақтары мен алыс және таяу шетелдерден келген қонақтар құрады.

Астана қаласының мектеп оқушылары, колледждері мен ЖОО студенттеріне, сонымен қатар тұрғындары мен қонақтарына «Лев Дашкевичтің фотосуреттері. Жарық пен көлеңке» уақытша көрмесі бойынша, «Тұран» колледжі студенттеріне «Тәуелсіз Қазақстан» тұрақты экспозициясы бойынша тақырыптық экскурсиялар өткізілді.

Музей экспозицияларымен сауда-экономикалық және мәдени-гуманитарлық ынтымақтастық жөніндегі Қазақстан-Иордания Үкіметаралық комиссиясының төртінші отырысына қатысушылар: Иордан Хашимит Корольдігі премьер-министрінің орынбасары – Индустрия, сауда және жабдықтау министрі Др. Джауат әл-Анани, Иордания Ауылшаруашылық министрлігінің бас хатшысы Др. Ради А. Тараун, «Hong Kong TVB» Гонконг ұлттық телеарнасының тілшілері; Беларусь Республикасы Ұлттық тарихи музейінің жетекші ғылыми қызметкері Н.В. Мартынова; Краков қ. поляк діни қызметшілері; Украина Қорғаныс министрінің орынбасары, генерал-лейтенант И.В. Павловский; Қазақ радиосының 95-жылдығына арналған «Халықаралық байланыстар орнатудағы ұлттық радионың рөлі» атты халықаралық ғылыми-тәжірибелік конференцияға қатысушылар; Ғылым, технология және инновация мәселелері бойынша Азия парламентаралық форумына қатысушы Индонезия Ұлттық Конгресінің мүшелері, сонымен қатар АҚШ, Сингапур, РФ, Германия, Жапония, Үндістан, Канада, Норвегиядан келген туристтер танысты.

Қонақтар өздерінің ыстық ықыластары мен жылы лебіздерін пікір-тілек кітабына қалдырды.

 


2016 жылдың қазан айында Қазақстан Республикасы Тұңғыш Президентінің Музейінде 7996 адам болды. Келушілердің басым бөлігін қала тұрғындары, мектеп, лицейлер оқушылары, колледждер мен ЖОО студенттері, зейнеткерлер, әскери қызметкерлер және астанамызға еліміздің әр аймақтары мен алыс және таяу шетелдерден келген қонақтар құрады.

Астана қаласы мектептерінің оқушыларына және колледждер мен ЖОО студенттеріне Музейдің тұрақты экспозициялары: «Тәуелсіз Қазақстан», «Қару-жарақтар коллекциясы» және «Лев Дашкевичтің фотосуреттері. Жарық пен көлеңке» уақытша көрмесі бойынша тақырыптық экскурсиялар өткізілді.

Музей экспозицияларымен Қазақстандағы Беларусь Республикасының Төтенше және Өкілетті Елшісі А.И. Ничкасов, Швеция Корольдігінің Қазақстандағы Төтенше және Өкілетті Елшісі Кристиан Камилл, Беларусь Республикасының Қарулы Күштері Бас штабының орынбасары П.В. Тихонов, Финляндия Қорғаныс Министрлігі делегациясы, Питсбург университеті Медициналық орталығының резидентурасы бағдарламасының дирекциясы (АҚШ), Халықаралық аккредитациялық комиссия мүшелері (Эстония) және Оңтүстік Корея, Италия, Түркия, АҚШ, Германия, Франция, Малайзиядан келген туристер танысты. «Хабар» телеарнасына  Музей залдары бойынша сұхбат-экскурсия өткізілді.

Қонақтар өздерінің ыстық ықыластары мен жылы лебіздерін пікір-тілек кітабына қалдырды.


   2016 жылдың қараша айында Қазақстан Республикасы Тұңғыш Президентінің Музейінде 10 060 адам болды. Келушілердің басым бөлігін Астана тұрғындары мен қонақтары, зейнеткерлер, еңбек ардагерлері, әскерилер, мемлекеттік мекемелер қызметкерлері, ҚР Тұңғыш Президенті күніне орай Қазақстанның әр түпкірінен астанамызға келген туристер, сонымен қатар алыс және таяу шетелдерден келген қонақтар құрады. Музейіміздің ең жас келушілерінің қатарында Астана қ. балабақшаларының тәрбиеленушілері болды.

   Музей экспозицияларымен танысқан қонақтар қатарында: Астана қаласының әкімі Ә.Ө. Исекешев, белгілі швед суретшісі Туве Крабо, XIX «Шабыт» халықаралық шығармашыл жастар фестиваліне қатысушылар, Түмен, Барнаул, Уфа, Санкт-Петербург, Мәскеу қ. балалар шығармашылық ұжымдары, Республикалық жастар форумына қатысушылар, сонымен қатар Грекия, Сингапур, АҚШ, ҚХР, Франция, Словения, Австралия, Ұлыбритания, Бельгия, Нидерландыдан келген туристер болды.

 

2016 жылдың желтоқсан айында Қазақстан Республикасы Тұңғыш Президенті Музейінде 20 902 адам болды. Келушілердің басым бөлігін қала тұрғындары, мектеп оқушылары, колледждер және ЖОО студенттері, еңбек ардагерлері мен зейнеткерлер, әскери қызметкерлер, сонымен қатар Қазақстан Республикасының Тәуелсіздік күні қарсаңында астанамызға еліміздің әр аймақтары мен алыс және таяу шетелдерден келген қонақтар құрады.

Музей экспозицияларымен ҚР-ғы АҚШ Елшілігі саяси бөлімінің басшысы Нинг-Чуан Джу; ҚР-ғы Индонезия Елшілігінің қызметкерлері; Халықаралық эпизоотикалық бюроның Беларусь, Украина, РФ, Бельгия, Польшадан келген өкілдері; ТМД елдері, Франция, Бельгия, Нидерланды Прокуратура органдарының қызметкерлері және РФ, Австралия, Жапония, Франция, Корея, Сингапур, Италия, Ираннан келген туристер танысты.

«Хабар» және «Қазақстан» телеарналарына Музейдің жаңа экспозициялары және «Тарихи таңдау. Стратегиялар» көрмесі бойынша, сонымен қатар «ВВС» Британ радиохабар тарату корпорациясының тілшілеріне Музей залдары бойынша сұхбат-экскурсиялар өткізілді.