2008 ж.

«Елбасы мәртебесі – ел мәртебесі» Музей қорының көрмесі (14 марта – 14 апреля 2008 г.)     

    2008 жылдың 14 наурызында Көкшетау қаласындағы Ақмола облыстық тарихи-өлкетану мұражайында Қазақстан Республикасы Тұңғыш Президенті Музейінің қорынан ұйымдастырылған «Елбасы мәртебесі – ел мәртебесі» атты көрме ашылды.
    Көрменің ашылу салтанатына жиналғандарға арнап облыстық мәдениет басқармасы бастығының орынбасары Б. Кәкенов, Ш. Уәлиханов атындағы КГУ тарих кафедрасының профессоры К. Әбуов, қалалық ардагерлер кеңесі төрағасының орынбасары В. Соломин құттықтау сөз сөйледі.
Көрмеге қойылған 108 экспонат әлемнің 25 елінің мәдениетінің жарқын үлгілерін таныстырды. Қор коллекциясының негізгі бөлігін іскери кездесулер мен келіссөздер, ресми сапарлар кезінде еліміз бен оның Лидерінің халықаралық беделін мойындау белгісі ретінде Мемлекет басшысына тарту етілген сыйлықтар құрады.
    Күмістен жасалған бұйымдар: Түрік Республикасының Президенті С.Демирел сыйлаған ыдыстар жиынтығы, Түрік Республикасының Премьер-Министрі Р.Т. Эрдоган тарту еткен «Дивит» саяхатшының жазу үстелі көрменің ажарына айналды. Сонымен бірге қару-жарақ шеберлерінің бұйымдары - Қазақстан тұрғындары сыйлаған ХІХ ғасырдың басындағы дуэльге арналған жиынтық, Катар мемлекетінің Тәрбие, ағарту және жоғары білім министрі Мухаммед Абдул Рахим Кафуд сыйға тартқан «Қындағы қанжар» панносы ұсынылды.
    Мұрағат құжаттары, Мемлекет басшысының Жеке мұрағат қорынан алынған фотосуреттер көбінесе
Н.Ә. Назарбаевтың қоғамдық өмірдегі, мемлекеттік қызметтегі және еңбек жолындағы кезеңдерді сан алуан қырынан аша түседі.


«Елбасы мәртебесі – ел мәртебесі» көрмесі 16 мая – 16 июня 2008 г.

      2008 жылдың 16 мамырында Солтүстік Қазақстан облыстық тарихи-өлкетану музейінде Қазақстан Республикасы Тұңғыш Президенті Музейінің (Астана қ.) қорынан ұйымдастырылған «Елбасы мәртебесі – ел мәртебесі» атты көрме ашылды.
Көрмені Солтүстік Қазақстан облысы әкімінің орынбасары Е.Е.Нұрақаев, Қазақстан Республикасы Тұңғыш Президенті Музейі директорының орынбасары К.Қ. Ақтаева, СҚО тарихи-өлкетану музейінің директоры И.М. Паламарчук ашты. Көрменің салтанатты ашылуына облыстық мәдениет басқармасының бастығы Р.Т. Бикенев, сонымен қатар Петропавловск қаласы мәдениет мекемелерінің өкілдері қатысты.
     Көрмеге қойылған экспонаттар әлемнің 28 елінің мәдениетін таныстырады. Қор коллекциясының негізгі бөлігін Мемлекет басшысына шетелдерге жасаған ресми сапарлары мен түрлі елдердің басшыларымен, сондай-ақ жұртшылық өкілдерімен кездесу барысында еліміз бен оның лидерінің халықаралық беделін мойындау белгісі ретінде сыйға тартылған сәндік-қолданбалы, кескіндеме өнері туындылары мен мүсіндер құрайды.
    Мұндай көрмелердің басты мақсаты – қазақстандықтардың бойында отансүйгіштік, өз елі мен оның халықаралық аренадағы жетістіктері үшін мақтаныш сезімін тәрбиелеу. Шет мемлекеттер мен үкіметтердің, халықаралық ұйымдар мен қорлардың басшылары, жетекші әлемдік компаниялар, еңбек ұжымдары, қоғам қайраткерлері сыйластық пен құрмет белгісі ретінде Қазақстан Республикасының Президентіне сыйлықтар тарту еткен. Коллекциядағы бұйымдардан ТМД елдерінің, Еуропа, Азия, Қытай, Американың белгілі суретшілерінің, мүсіншілерінің, зергерлерінің, халық шеберлерінің ерен еңбегі мен кәсіби шеберліктерін аңғаруға болады.
     Мемлекет басшысының жеке мұрағатынан алынып, көрмеге қойылған құжаттар мен фотосуреттер Н.Ә. Назарбаевтың мектептегі кезінен, студенттік өмірінен, мемлекеттік қызметтегі кезінен мәлімет беретін елеулі оқиғалар туралы баяндайды.
Көрме 2008 жылдың 16 мамырынан 16 маусымына дейін бір ай бойы жұмыс жасайды.


     2008 жылдың 3 қазанында Оңтүстік Қазақстан облыстық тарихи-өлкетану мұражайында «Нұр Отан» ХДП аймақтық филиалының жәрдемдесуімен «Елін сүйген, елі сүйген Елбасы» атты көшпелі қор көрмесі ашылды.

     Көрмені Оңтүстік Қазақстан облысының әкімі Н.С. Әшімов, Қазақстан Республикасы Тұңғыш Президенті Музейі директорының орынбасары К.Қ.Ақтаева, Ардагерлер кеңесінің төрағасы У.С.Сүлейменов ашты.
Көрменің салтанатты ашылуына ҰОС ардагерлері, «Нұр Отан» партиясының өкілдері, жергілікті басқару органдарының басшылары, жұртшылық өкілдері қатысты.
     Мұндай көшпелі көрмелердің басты мақсаты - егемен Қазақстанның қалыптасуының маңызды кезеңдерін көрсету және еліміздің Тұңғыш Президентінің өмірі мен қызметі туралы айту.
Экспозицияға еліміздің және оның Лидерінің халықаралық беделін мойындау белгісі ретінде іскерлік кездесулер мен келіссөздер, ресми сапарлар кезінде Мемлекет басшысына тарту етілген сыйлықтар қойылған. 175 экспонат әлемнің 32 елінің материалдық және рухани мәдениетінің ерекшеліктерін көрсетеді.
     Экспозицияға күмістен жасалған бұйымдар өзінше көрік беріп тұр: Әзірбайжан Республикасының Президенті И.Әлиевтің бокалдар жиынтығы, Тайланд Корольдігі Ханшайымы Мах Чакри Сириндорн сыйға тартқан ыдыстар жиынтығы. Құбашы (Дағыстан) қару жасау шеберлері дайындаған бірегей бұйымдар – суық қарулар: ХІХ ғасырдың басындағы дуэльге арналған тапаншалар, Катар мемлекеті Тәрбие, ағарту және жоғары білім министрі М. Абдул Рахим Кафуд сыйға тартқан «Қынаптағы қанжар» панносы.
     Экспозицияның бір бөлігі Пекиндегі жазғы Олимпиада ойындарына арналған, келушілер бірегей экспонаттармен – Ұлттық стадионның («Құс ұясы») макетімен, Олимпиаданың ашылу және жабылу салтанаты өткен Пекиндегі жаңа символдық құрылыспен, 2008 жылдың символы «Алау көтерген тышқан» кәдесыйымен, Олимпиада-2008 мөрімен және т.б. танысты.
Көрме 2008 жылдың 3 қарашасына дейін жұмыс істейді.


      2008 жылғы қазанның 21-24-і аралығында Ресей Федерациясындағы Қазақстан Республикасы Елшілігінің резиденциясында «Н.Ә.Назарбаев – ұлтаралық және конфессияаралық келісімнің қазақстандық үлгісінің негізін салушы» тақырыбында көшпелі көрме өтті.

   ҚР Президентінің жеке мұрағаты қорынан алынған құжаттар мен фотоматериалдар Н.Ә. Назарбаевтың Қазақстан қоғамындағы ұлтаралық және конфессияаралық өзара байланыстардың даму қағидаттары мен әдістерін әзірлеуге қосқан үлесін толық және жан-жақты зерттеуге мүмкіндік береді.
    Көрме «Қоғамда тиімді ұлтаралық келісім моделін жасаудың қазақстандық тәжірибесі» тақырыбында өткен дөңгелек үстелге орай ұйымдастырылды, оған Ресей Федерациясы Мемлекеттік Думасының депутаттары, Ресей мен Қазақстан ғалымдары, халықаралық қатынастар саласының мамандары, мәмілегерлер, Мәскеу қ. мәдени-ұлттық ұйымдары мен бірлестіктерінің жетекшілері қатысты.


      2008 жылдың 18 – 28 қарашасы аралығында Алматы қаласында Әл-Фараби атындағы Қазақ ұлттық мемлекеттік университетінің қабырғасында Астанадағы ЕҚЫҰ Орталығымен бірлесіп дайындалған «ЕҚЫҰ – үнқатысу форумы» тақырыбында көшпелі көрме ашылды.
     Көрме Астанадағы ЕҚЫҰ Орталығы, Әл-Фараби атындағы ҚазҰУ, Қазақстан Республикасы Президенті жанындағы Қазақстан стратегиялық зерттеулер институты бірлесіп ұйымдастырған «ЕҚЫҰ және аймақтық қауіпсіздікке төнген қауіп-қатерлер» атты халықаралық ғылыми-практикалық конференция жұмысына орай ашылды.
     Экспозицияға Қазақстан республикасы Тұңғыш Президенті Музейі қорынан алынған 80 фотоматериал мен құжат қойылды, ол Еуропадағы қауіпсіздік пен ынтымақтастық ұйымы қызметінің негізгі бағыттары мен оның құрылу тарихы туралы әңгімелейді.
     Көрермендер тарихи фотоқұжаттармен – 35 мемлекеттің басшылары 1975 жылдың 1 тамызында Хельсинкиде Қорытынды актіге (Хельсинки келісімі) қол қойған фотоқұжаттармен танысу мүмкіндігіне ие болды. Коллаждар ЕҚЫҰ құрылымы, оның басшылығы мен қатысушы мемлекеттер туралы әңгімелейді. Фотоқұжаттарға қарап, ЕҚЫҰ-ның әлемдегі қауіпсіздікті сақтау, атап айтқанда, қарулануды таратпау, адам құқығын қорғау, экологиялық қауіпсіздік, демократиялық институттардың дамуы секілді жөніндегі жан-жақты қызметін тамашалауға болады.