2016 ж.

2016 жылдың 13 желтоқсанында Қазақстан Республикасы Тұңғыш Президенті Музейінде ҚР Қаржы министрлігінің Мемлекеттік кірістер комитетінің Кинологиялық орталығынан Музей қорына заттарды тапсыру рәсімі өтті.

Іс-шараның құрметті қонақтары: ҚР қаржы Министрлігінің мемлекеттік кірістер комитетінің төрағасының орынбасары  Г.К. Амрин, Қазахстан Республикасындағы АҚШ Елшілігінің саясат бөлімінің басшысы Нингчуан Джу, «Генералдар кеңесі» РҚБ төрағасы Р.Е. Қайдаров және т.б.

Бұл шара тәуелсіздіктің 25 жылдығы мен Кинологиялық орталықтың 15 жылдығы қарсаңында өткізілді.

Бастама Кинологиялық орталықтың тәуелсіз Қазақстанның ұлттық қауіпсіздікті қамтамасыз ету саласындағы жетістіктерін айшықтау мақсатымен жасалып отыр.

Нашақорлықпен күресу әрқашан Елбасы мен ҚР Үкіметінің назарында. ҚР Президентінің жарлығымен 2000 жылы «Қазақстан Республикасында нашақорлыққа және есірткі бизнесіне қарсы күрестің мемлекеттік бағдарламасы» бекітілді. Аталған Жарлықты орындау мақсатында Үкіметтің 2001 жылғы 15 қаңтардағы қаулысымен ҚР Қаржы министрлігі Кедендік комитетінің «Кинологиялық орталық» мемлекеттік мекемесі құрылды.

Кинологиялық орталықтың негізгі міндеті – республиканың кедендік және өзге де құқық қорғау органдары үшін есірткі заттарын, жарылғыш заттар, қару, валюта және дериваттарды іздестіру үшін кинологтарды және қызметтік иттерді дайындау болып табылады.

2013–2015 жж. қазақстандық кеден қызметінің кинолог қызметкерлері  ТМД елдері арасындағы жарыстарда үздік деп танылды. 

 

 


2016 жылдың 12 желтоқсанында Қазақстан Республикасы Тұңғыш Президентінің Музейінде Қазақстан Тәуелсіздігінің 25 жылдығын мерекелеу аясында ұйымдастырылған жалпы білім беретін мекемелердің қоғамдық пәндер мұғалімдерінің арасындағы «Тәуелсіздік – ата-баба арманы, ұрпақтар үшін ақиқат» атты қалалық байқаудың қорытындысы және жеңімпаздарды марапаттау рәсімі өтті.

Байқауды ұйымдастырушылар: Қазақстан Республикасы Тұңғыш Президентінің Музейі, Астана қ. Білім басқармасы, Білім қызметкерлерінің қалалық «Әділет» кәсіподағы.

    
 

 

2016 жылдың 12 желтоқсанында Қазақстан Республикасы Тұңғыш Президентінің Музейінде Қазақстан Тәуелсіздігінің 25 жылдығын мерекелеу аясында ұйымдастырылған жалпы білім беретін мекемелердің қоғамдық пәндер мұғалімдерінің арасындағы «Тәуелсіздік – ата-баба арманы, ұрпақтар үшін ақиқат» атты қалалық байқаудың қорытындысы және жеңімпаздарды марапаттау рәсімі өтті.

Байқауды ұйымдастырушылар: Қазақстан Республикасы Тұңғыш Президентінің Музейі, Астана қ. Білім басқармасы, Білім қызметкерлерінің қалалық «Әділет» кәсіподағы.

    
 

Республиканский научно-практический центр «Дарын» Министерства образования и науки РК 7-8 декабря 2016 г. в г. Алматы на базе санатория «Алатау» провел республиканский конкурс «Фестиваль инновационных педагогических идей».

По результатам региональных отборочных туров, где было представлено более 700 творческих работ, на фестиваль были приглашены 300 участников со всех регионов республики. Фестиваль ориентирован на активных и творческих педагогов, стремящихся обменяться успешным педагогическим опытом внутри профессионального сообщества и продемонстрировать результаты своего интеллектуального труда широкой общественности.

Казбекова Рауза Улановна, руководитель  Центра музейной педагогики Музея Первого Президента Республики Казахстан на секции «Система менеджмента в образовании» (директора, заместители директоров организаций образования, методисты региональных центров по работе с одаренными детьми, специалисты управлений образования) представила партнерский «Проект межшкольный межмузейный регаты» авторов: Каипова Б.М., заместитель директора МПП РК, кандидат исторических наук, Казбекова Р.У., руководитель Центра музейной педагогики МПП РК, Маканова Т.В. и Литвинова Л.Э., учителя истории «Комплекса «Детский сад-школа-гимназия».

Фестиваль был нацелен на развитие коммуникативной и иных видов компетенций, раскрытие творческих возможностей руководителей и педагогов для эффективной работы в мобильной образовательной среде, на совершенствование методик и технологий преподавания, обмен опытом, повышение статуса учительской профессии, поддержку кадрового потенциала современной школы, сохранение и укрепление единства культурно-образовательного пространства Казахстана. Дискуссии велись в основном вокруг темы о формах и методах повышения уровня образования, рейтинговой системы в Назарбаев интеллектуальных школах. Музейная тема была представлена на этом форуме впервые, но несмотря на это, вызвала живой интерес как у членов жюри (профессора университета им. С. Демиреля, Казахского государственного  женского педагогического университета, Казахский национальный педагогический университет им. Абая), так и конкурсантов и была признана инновационной.

 
 

2016 жылдың 9 желтоқсанында Қазақстан Республикасы Тұңғыш Президентінің Музейі Астана қ. Білім басқармасымен бірлесе отырып, Қазақстан Тәуелсіздігінің 25 жылдығын атап өтуге орай «Қазақстан халқының бірлігі – еліміздің кілті «Мәңгілік елге» айналу» атты тарихи кешін өткізді. 

    
 

2016 жылдың 9 желтоқсанында Қазақстан Республикасы Тұңғыш Президенті Музейінде Қазақстан Республикасы Тәуелсіздігінің 25 жылдығына арналған «Қазақстан – халықаралық аренада» атты педагогтардың шығармашылық шеберлігінің үздік музейлік сабаққа қалалық байқауының жеңімпаздарын марапаттау рәсімі өтті.

Бұл Қазақстан Республикасы Тұңғыш Президентінің Музейі, Астана қ. Білім басқармасы, «Астана Дарыны» өңірлік ғылыми-практикалық орталығы, Білім қызметкерлерінің қалалық «Әділет» кәсіподағының бірлескен жобасы.

    
 

2016 жылдың 8 желтоқсанында Қазақстан Республикасы Тұңғыш Президентінің Музейінде суретшілер арасында өткізілген байқаудың қорытындысы жарияланды. Байқау Қазақстан Республикасының Ұлттық Олимпиада комитетінің 25 жылдығына арналады.

Байқау 7 ай бойы жалғасып, еліміздің кәсіби суретшілерінің 20 астам жұмыстарын жинады. Байқаудың шарты бойынша кескіндемеде Олимпизмнің идеологиясын айқындауға және қазақстандық спорттың 25 жылда жеткен жетістіктерін көрсету қажет болды.

Сарапшылар комиссиясының құрамына Қазақстан Республикасының Ұлттық Олимпиада комитетінің  Бас хатшысы Данияр Абылғазин, Көркемдік сыншы Ардақ Юсупова, Қазақстанның суретшілер одағының мүшесі Сейсенхан Махамбетов және Олимпиада чемпионы Серік Сәпиев кірген болатын.

 
 

 

2016 жылдың 6 желтоқсанында Қазақстан Республикасы Тұңғыш Президентінің Музейінде «Туған жерім» атты XII республикалық балалар шығармашылығы байқауының «Графика. Линогравюра» номинациясы бойынша қорытынды көрмесінің ашылуы өтті. Іс-шара Қазақстан Республикасы Тәуелсіздігінің 25 жылдығына арналады.

Балалар шығармашылығына арналған «Туған жерім» республикалық байқауы жыл сайын ҚР Тұңғыш Президенті Музейінің «Балалық шақтан көзқарас» атты балалар жобасының шеңберінде Астана қаласының ЮНЕСКО клубы – Балалар көркемсурет мектебімен бірлесіп өткізіліп келеді.


 

Алғаш рет «Туған жерім» республикалық балалар шығармашылығы байқауы 2004 жылы өткізілді. Қазіргі уақытта жоба бұрынғыдан кеңейіп, одан әрі маңызды бола түскен. Байқауға 10-16 жас аралығындағы көркемсурет мектептерінде және өнер мектебінің көркемсурет бөлімінде оқитын, ҚР Оқушылар Сарайының шығармашылық үйірмелерінде және бейнелеу өнері студияларында тәлім алатын балалар қатысады.

Жыл сайын байқаудың шарты бойынша орындалу техникасы ұйымдастыру комитетімен жеке келісіледі. Ағымдағы жылы байқаудың шартына сәйкес, «Графика и линогравюра» техникасында орындалған балалардың көркем шығармашылығы бағаланады. Графикалық жұмыстар өзінің ықшамдылығымен және айрықша сұлулығымен ерекшеленеді. Графикалық жұмыстар орындалуы жағынан алуан түрлі, себебі туындылар көмірмен, тушьпен, сангинамен, қарындашпен және т.б. жасалған. Суретшілерге көптеген бейнелеу мүмкіндіктерін беретін, линолеумеге ойып бедерленген баспа-таңба - линогравюра ерекше қызығушылық танытады.

Дәстүр бойынша әр аймақтардан келген байқау жеңімпаздарына арналған шеберлік-сыныптары ұйымдастырылады. «Туған жерім» XII республикалық балалар шығармашылығы байқауына Қазақстанның барлық аймақтарынан 500-ден аса жұмыстар келіп түсті.


 

2016 жылдың 28 қарашасында Қазақстан Республикасы Тұңғыш Президентінің Музейінде ҚР Тұңғыш Президенті күніне және ел Тәуелсіздігінің 25 жылдығына арналған «Тәуелсіздік пен жасампаздық жылдары» атты «дөңгелек үстел» өткізілді.

«Дөңгелек үстел» жұмысына Қазақстан Республикасы Президенті Әкімшілігінің өкілдері, ғалымдар, зерттеушілер, Астана қ. оқу орындарының қоғамдық пәндер оқытушылары қатысты.

 

30 ноября 2016 года в Музее Первого Президента Республики Казахстан состоялся музейный урок «Тәуелсіздік түндігі – Астана», посвященный Дню Первого Президента Республики Казахстан.

       


2016 жылдың 29 қарашасында Қазақстан Республикасы Тұңғыш Президенті Музейінде «Атамекен» экспозициясының жанында Қазақстан Республикасы Тұңғыш Президенті Күніне арналған «Елін сүйген Елбасы» музейлік сабағы өткізілді.  

    
 

25 қарашада М. Өтемісұлы атындағы Оқушылар сарайында Қазақстан Республикасы Тұңғыш Президенті Күніне арналған «Көңілдің асыл пернесі: Н. Ә. Назарбаевтың ән шығармашылығы» атты ІІ Жалпықалалық шығармашылық конкурсының қорытындысы өткізілді. Финалға 31 қатысушы өтті: конкурсқа алғаш рет елорданың колледж оқушылары мен музыка пәні мұғалімдері қатысты.

   
    
 

2016 жылдың 24 қарашасында Қазақстан Республикасы Тұңғыш Президентінің Музейінде Қазақстан Республикасының Тұңғыш Президенті күніне және тәуелсіздіктің 25 жылдығына арналған «Тарихи таңдау» ғылыми-экспозициялық жобасының жалғасы болып табылатын «Тарихи таңдау. Стратегиялар» тақырыптық қор көрмесінің ашылуы өтті. Аталмыш көрме маңыздылығы жағынан мерейтойлық күндерді атап өтуге арналған Музейдің ең басты іс-шаралар топтамасы болып табылады. Ол Қазақстан Республикасы тәуелсіздігінің 25 жылдығын мерекелеуге арналған іс-шаралардың Республикалық жоспар-кестесіне енгізілген.

 Көрменің негізгі мақсаты – мұрағаттық және музейлік материалдар негізінде Тәуелсіздік идеясын және оның мемлекеттік егемендік жағдайындағы жүзеге асуын жүйелі түрде ашып көрсету.

 Экспозиция Қазақстанның жаңа астанасын жариялаған орын ретінде Астана тарихына енген Күмбезді залда орналасқан. Көрме келесідей негізгі бөлімдерден тұрады: «Тәуелсіздік жаршылары», «Тарихи таңдау», «Табыс стратегиясы» және «Болашақ энергиясы».

 Әр бөлім Қазақстан Республикасы тәуелсіздігінің негізгі кезеңдерін, оның қалыптасуы мен нығаюын, сондай-ақ Қазақстанның әлемдік аренадағы жетістіктерін ҚР Тұңғыш Президенті Музейінің, ҚР Президенті Мұрағатының, Астана қаласының Мемлекеттік мұрағатының, Қызылорда тарихи-өлкетану музейінің, Солтүстік Қазақстан облыстық музейлер бірлестігінің кітапхана және мұрағат қорларынан алынған тарихи құжаттар, мұрағаттық фото- және бейнематериалдар, газеттік жарияланымдар мен жәдігерлер арқылы кезең-кезеңімен ашып көрсетеді. Осының барлығы соңғы өткен оқиғалар мен қазіргі Қазақстан туралы объективті пікірді қалыптастыруға, сондай-ақ тәуелсіз мемлекет – Қазақстан Республикасын құрудағы Н. Ә. Назарбаевтың тарихи рөлін ашып көрсетуге мүмкіндік береді.

 «Тарихи таңдау. Стратегиялар» көрмесі Н. Ә. Назарбаевтың мазмұны жағынан әлемдік қауымдастықтар тарапынан мойындалған және бүкіл әлем үшін бүгінгі күні елеулі нәтижелер көрсеткен алғашқы саяси бастамаларымен танысуға мүмкіндік береді. 


 

2016 жылы 27 қазанда Қазақстан Республикасы Тұңғыш Президентінің Музейінде бұған дейін келушілер үшін жабық болған залдары, сондай-ақ Музейдің тұрақты экспозициясының жаңартылған залдары бойынша баспасөз туры өтті. Бұл Музейдің  экспозиция залдарының тақырыптарын жаңарту және Астанадағы Музей орналасқан Қазақстан Республикасы Президентінің тұңғыш Резиденциясы ғимаратын музейлендіру бойынша жүргізілген үлкен жұмыстың бірінші кезеңінің нәтижесі  болып табылады.

Барлық келушілерге жабдықтары және интерьері  бастапқы түрінде толығымен қайтадан жаңғыртылған Қазақстан Республикасының Президенті – Елбасы Н.Ә. Назарбаевтың Шағын жұмыс кабинеті және 2-қабылдау бөлмесі алғаш рет ұсынылды.

Шағын жұмыс кабинетінде Президент бейнеконференция байланыс жүйесінің көмегімен селекторлық кеңестер өткізген, ол екі немесе бірнеше тараппен дыбыстық байланысты жүзеге асыруға мүмкіндік беретін. Қабылдау бөлмесіне Н.Ә. Назарбаевтың еңбектері қойылған және бұл жерде естелікке суретке түсу мүмкіндігі қарастырылған.

Музей қызметкерлері Мәжіліс залы мен Күмбезді зал фойесіне жасалған реэкспозиция нәтижелерімен таныстырды. Бұл жұмысты күрделілігі мен көлемі жағынан сүбелі ғылыми зерттеу және көркем жобалау жұмыстарымен қатар салыстыруға болады.

Қазақстан Президенті 1997-2004 жж. аралығында ҚР Президенті Әкімшілігінің қызметкерлерімен жұмыс кеңестерін өткізген Мәжіліс залында тәуелсіз Қазақстанның мемлекеттік даму стратегиясының негіздері әзірленді.  Залда орналасқан «Қазақстан Республикасы: мемлекеттік даму стратегиясы» экспозициясы қазіргі Қазақстанның әлеуметтік-экономикалық және саяси дамуының негізгі бағыттарын айқындайтын материалдарды жаңаша ұсынды.

Түрлі жастағы келушілер үшін барынша қолжетімді болған мұрағат және музей материалдарын креативті түрде ұсынумен қатар бірегей экспозиция фрагменттері де бар. «Қазақстан Республикасының Президентін ұлықтау» атты қайта жасалған экспозиция бөлігінде  келушілер үшін материалға «мейлінше терең бойлау» арқылы тарих қойнауына ену мүмкіндігі қарастырылған.

Әр жылдардағы ұлықтау рәсімдерінде тапсырылған түпнұсқа заттар халық сайлаған мемлекет басшысының қызметіне ресми кіріскен кездегі салтанатты сәттерді қайтадан көз алдыңа келтіреді. Бұл аймақ интерактивті мұрағат және музей  материалдарымен  ғана толып тұрған жоқ, сонымен қатар «селфи» жасауға немесе шынайы тарихи жағдайда ұжым болып суретке түсуге мүмкіндік береді.

Интерактивтік аймақта қағаз тасымалдағыштардағы мол құжаттар топтамасы және зал тақырыбы бойынша бейнемұрағат қойылған. Келушілер қолайлы ахуалда мемлекет Басшысының еліміздің мемлекеттік даму стратегиясы бойынша белгі соққан қолжазбаларымен және құжаттармен таныса отырып,  сондай-ақ Тәуелсіздік кинохроникасынан алынған бірегей кадрларды тамашалай алды.

Дәстүр бойынша Мемлекет басшысына тартылған сыйлықтар қойылатын Күмбезді зал фойесіндегі экспозиция түбегейлі жаңартылды.  Бай музей жиынтығы мен оны толықтырушы экспонаттар оны ғылыми-қор тұрғысынан зерттеу нәтижесінде орындалу техникасы мен материалы бойынша жүйеленген экспонаттарды ұсынуға мүмкіндік берді. Ағашқа, теріге, шыныға, хрустальға жаңашакөзқарас;  алтын және күмісті айрықша жалтырату;  сүйекке, нефритке оймышталған және жібек жіппен шебер кестеленген өрнектер - «Қазақстан Республикасы Президентінің сыйлықтары» экспозициясын тамашалауға келушілерді ерекше сезім мен түрлі әсерлерге бөлейтініне сенімдіміз.

Айтулы мерекелер: ҚР Тұңғыш Президентінің Күні және Қазақстан Тәуелсіздігінің 25-жылдығы қарсаңында Қазақстан Республикасы Тұңғыш Президенті Музейіне келушілер Тәуелсіз Қазақстанның әрбір азаматының үлесі бар осынау өзгерістер ауқымын тағы бір қайтара бағалай алды.

 

Қазақстан Республикасы Тұңғыш Президенті Музейінің қызметкерлері үстіміздегі жылдың 10-11 қазаны аралығында Алматы облысы Қарасай ауданына ғылыми-ағартушылық мақсатындағы іссапар барысында Қаскелең қаласындағы тарихи-өлкетану мұражайында ауқымды шаралар өткізді.

Іс-шараға Қаскелең қаласы Абай орта мектебінің 10-сынып оқушылары қатысты. Ашылу салтанатында сөз сөйлеген Қазақстан Республикасы Тұңғыш Президенті Музейі директорының орынбасары, тарих ғылымдарының кандидаты Б.М. Қайыпова екі мекеменің арасындағы серіктестік жоспарға сәйкес өтіп отырған шараның маңыздылығына тоқталды.

Одан әрі Музейдің Ғылыми-зерттеу орталығының бас ғылыми қызметкері Л.Ә. Омарова «Елбасытану» курсының аясында ғылыми-іздестіру жұмыстарының нәтижесінде жинақталған фото және –бейнеқұжаттармен таныстырды.

Шараның практикалық бөлігінде Музей педагогикасы орталығының  жетекші ғылыми қызметкері Ә.Ә. Оспанова «Жастардың бойында лидерлік қасиетті дамыту» элективті курсының тақырыптық жоспарына сәйкес, оқушылардың бойында лидерлік қасиетті дамытуға бағытталған жаттығулар өткізді.

Курстардың қорытындысы бойынша қатысушыларға сертифаттар табысталды.

Сонымен қатар Үшқоңыр  ауылындағы Үшқоңыр орта мектебінде болып,  «Президент әлемі» мұражайының жұмыс тәжірибесі жөнінде пікір алмасты.

Іссапар аясында Елбасының сыныптастары – Байбосынов Кеңесбай Бекдайырұлы, Серазитдинова Рая Ғарифқызы, Әмірова Күләш Сыбанқұлқызы, «Шапағат» мұражайының меңгерушісі Байқонысова Рымкеш Шайкенқызы, «Анаға құрмет» мұражайының меңгерушісі Естемесова Бақыт Әбдінасырқызы, Үшқоңыр орта мектебіндегі «Президент әлемі» мұражайының меңгерушісі Көсемова Ақлима Рахымбердіқызының қатысуымен «Елін жетістікке жетелейтін Елбасы» атты дөңгелек үстел өткізілді. Шараға қатысушылар Қазақстан Республикасының Президенті – Елбасы Н. Ә. Назарбаевтың балалық шағы, достары, сыныптастарымен арақатынасы туралы ойларын ортаға салып, келелі сұхбат жүргізді.

Шара соңында Қаскелең қаласындағы тарихи-өлкетану мұражайының меңгерушісі Қожанова Мария Мұсатайқызы Қазақстан Республикасы Тұңғыш Президенті Музейімен  арадағы бірлескен шаралар туралы айта отырып, болашақта да екі мекеме арасында сенімді серіктестікке негізделген жобалардың жүзеге асырылатынына сенім білдірді.

 

2016 жылдың 16 қыркүйегінде Қазақстан Республикасы Тұңғыш Президентінің Музейінде рухани тәжірибенің ерекше түрі - Икебана өнерінен Со-Катоку Икэнобо профессоры Мидори Ямада ханым шеберлік-сыныбын өткізді. Музейдің «Мәдениет арқылы үнқатысу» халықаралық жобасы аясында Қазақстандағы Жапония Елшілігімен бірлесіп ұйымдастырылған іс шара барысында, қатысушылар өздігінен гүлшоқтарын құрастырумен қатар, Мидори Ямада ханымның авторлық жұмыстарымен де танысуға мүмкіндік алды.

Мидори Ямада ханым Омотэ Сэнкэ мектебінің шай құю рәсімінің және жапондық Суми-э кескіндемесінің шебері, «Шығып келе жатқан Күн – Алтын және Күміс Сәуле» Орденінің Иегері, Ресейдегі Икэнобо филиалының алғашқы президенті және оның негізін салушы  болып табылады. Ямада ханым 25 жылдан бері Ресей, Түркіменстан, Татарстан, Украина, Молдова, Армения және Қазақстанның көптеген қалаларында шеберлік-сыныптармен курстар жүргізіп келеді.

Икебана -  жапонның өмір салтынан туған. Негізі ұлтпен қаланған өнердің бұл түрі, әдеміліктің сарқылмас қазынасы ретінде ғасырлар бойы өз-өзін табиғатты сезінуді үйренуге тәрбиелеген. Икебана өнерінің бұл түрі бүкіл әлем бойынша көптеген адамдардың жүрек түкіпіріне ерекше әсер бере отырып, оның бірегейлігі мен қайталанбастығы, нәзіктігі мен әсемдігі, өзгелердің алуан пішіні мен стильдерін ұғынуға мүмкіндік береді.

   

2016 жылдың 29 тамызында Білім күні қарсаңында Қазақстан Республикасы Тұңғыш Президентінің Музейінде № 64 мектеп-лицейдің бірінші сынып оқушыларына Қазақстан Республикасының Ата Заңы Күніне және Ел Тәуелсіздігінің 25 жылдығына арналған «Ата Заң – елдігімнің еңсесі» мерекелік сабағы өтті.


 

 

 


2016 жылдың 1 шілдесінде қаламыздың ең жас тұрғындары үшін «Жүрегімде мәңгі сенсің – Астанам!» музейлік балалар мерекесінің өтуі Елорда күніне арналған мерекелік шаралардың бастауы болды.

Қазақстан Республикасы Тұңғыш Президентінің Музейі қалалық Білім басқармасына қарасты мектепке дейінгі білім беру ұйымдарымен табысты серіктестігінің нәтижесінде Астана күніне орай балалар мерекесін ұйымдастыруды игі дәстүрге айналдырған. Бұл жылы мерекелік іс-шара  № 53 «Мерей» балабақшасының ұжымымен бірлесіп дайындалды.

Бүлдіршіндер өздерінің көңілді, жарқын, қуанышты күлкілері мен шаттыққа толы дауыстарымен республикамыздың сүйікті елордасы – Астанаға – «Елін сүйген, елі сүйген Елбасы», «Туған күніңмен, Астана!», «Счастье – это ты и я!» музыкалық композицияларын, «Астана гүлдері», «Батырлар» би қойылымдарын, балалар оркестрінің инструменталды пьсасын ұсынды. «Достық» және «Жайна, Астана!» би композияциялары нағыз музыкалық тарту болды. Мерекелік концерттің соңы шараға қатысушылар – Астана қ. Білім басқармасының өкілдері мен мектепке дейінгі білім беру ұйымдарының әдіскерлері және ата-аналардың ықыласымен балалардың өз тілектерін білдіріп, әуеге шар ұшыруымен аяқталды.

Мұндай шаралардың Музейдің білім беру қызметінде орны ерекше: достық пен жылулықтың сиқырлы әлемі, мерекенің ерекше атмосферасы бүлдіршіндердің елордада өтіп жатқан тарихи оқиғаларға қатыстылығын сезіндіреді, өз қаласы мен еліне деген мақтанышы мен сүйіспеншілігін қалыптастырады. Бұл жылы өтетін мереке Қазақстан Республикасы Тәуелсіздігінің 25 жылдығына арналған шаралардың аясында өтуде.

Осындай көңілді, әсерлі, есте қалар мерекенің барлық қатысушыларына ұйымдастырушылар тарапынан сыйлықтар ұсынылды.


      2016 ж.  31 мамыр күні Қазақстан Республикасы Тұңғыш Президентінің Музейінде Халықаралық Балаларды қорғау күніне арналған  мерекелік іс-шаралар өтті. Биылғы жылы «Балалық шақтан көзқарас» атты Музейдің балалар жобасы  «ВІ Жұлдызай» қайырымдылық корпоративтік қоры,  Астана қаласының ЮНЕСКО клубы – Балалар көркемсурет мектебі және ҚР Ұлттық олимпиадалық комитетінің серіктестік жұмысының нәтижесін ұсынды.

      Мерекелік бағдарлама «ВІ Жұлдызай» қорының мүмкіндіктері шектеулі балалардың шығармашылығына арналған ХІ Республикалық фестивалінің жеңімпаздарына арнайы дайындалған болатын.  Фестивальдің басты мақсаты балалардың шығармашылық әлеуметтенуі болып табылады. Балалар үшін музей  бойынша шолу экскурсиялары өткізілді және жеңімпаздар Балалар көркемсурет мектебі - ЮНЕСКО клубы оқытушыларының шеберлік-сабақтарына қатысты. Сонымен қатар, балалар Астана қаласы әкімдігінің «Қуыршақ Театры» қойылымын тамашалады. Ұлттық олимпиадалық комитеті және Балалар көркемсурет мектебі-ЮНЕСКО клубының өкілдері қатысқан «бейнелеу өнері» және «сәндік-қолданбалы өнері» номинациялары бойынша жеңімпаздарды салтанатты марапаттау рәсімі өтті. Дәстүр бойынша,  Балаларды қорғау күнінде Музейде балалар шығармашылығы жұмыстарының көрмесі ашылды.   

      Биылғы жылы көрмеде Астана, Алматы, Ақтөбе, Ақтау, Атырау, Көкшетау, Қостанай, Қарағанды, Қызылорда, Павлодар, Петропавловск, Тараз, Талдықорған, Орал, Өскемен және Шымкент қалаларынан қатысқан балалардың өнері «бейнелеу өнері» және «сәндік қолданбалы өнер» номинациялары бойынша жеңімпаздардың жұмыстары  ұсынылды.


 

19 мамыр 2016 ж. Қазақстан Республикасы Тұңғыш Президентінің Музейінің Күмбезді залында Санкт-Петербург Концерттік хорының (Смольный соборының камерлік хоры) концерттік бағдарламасымен «Жаңа көзқарас. New Vision» фотосуреттер көрмесінің ашылу рәсімі өтті.   

Көрме «Исаакий соборы» Мемлекеттік ескерткіш-музейі мен Қазақстан Республикасы Тұңғыш Президенті Музейінің арасындағы қызметтестік жөніндегі меморандумы, сондай-ақ «Мәдениет арқылы үнқатысу» халықаралық жобасының шеңберінде ұйымдастырылды.

Көрменің мақсаты – Санкт-Петербургке және қаланың көрікті жерлеріне, сондай-ақ, бірегей тарихи-көркемдік кешен – төрт собор музейі: Исаакий соборы, Христостың қайта арылу ғибадатханасы («Спас на крови»), Смольный соборы, Сампсониев соборларына деген жас фотосуретшілердің өзіндік көзқарасын көрсету. Осы жобаның барысында қала тұрғындары мен қонақтары Санкт-Петербургті жаңа қырынан танып, қаланың заманауи тынысын және классикалық дәстүрлер көркемдігіне бай өмір ырғағымен танысады.

Көрменің ашылу рәсімінде Санкт-Петербургтің атақты хор ұжымдарының бірі Санкт-Петербург Концерттік хоры (Смольный соборының камерлік хоры) өз өнерлерін көрсетті. Хор 1991 жылы құрылған болатын. Санкт-Петербург Концерттік хорының вокалдық орындау мәнерінде еуропалық жеңіл дауыс ырғағы мен нағыз орыс халқына тән дауыс тембрі әдемі үйлесім тапқан.

   


2016 жылдың 6 сәуірінде Қазақстан Республикасы Тұңғыш Президенті Музейінде ұлы ойшыл, фольклортанушы, этнограф, тарихшы, философ, қазақ мәдениеті мен әдебиетінің белгілі тұлғасы Мәшһүр Жүсіп Көпейұлының мәдени мұрасын насихаттауға арналған әдеби кеш өтті.

Мәшһүр-Жүсіп Көпейұлы (1858-1931, Павлодар облысы, Баянауыл ауданында туған) фольклор танушы, этнограф, тарихшы, араб және парсы тілдерін жетік меңгерген. Оның әдеби мұрасы тәуелсіздік тұғырына арналған қазақ мәдениетінің алтын қазынасының бір бөлігіне айналды.

Әдеби кеште тыңдаушылар үшін М.Ж. Көпейұлының өзіндік талдауындағы фольклористиканы, оның әдебиеттанушылық ойларын ұсынып, ақынның поэзиясы мен замандас орыс классиктерінің туындыларымен шығармашылық  тұрғыдан қатарластыра салыстырулар  жүргізілді. Әдеби кеш аясында Ұлы даланың рухани мұрасын зерттеудегі өзекті мәселелер қозғалып, басты назар музей және кітапханалар қорларында сақталғанымен тұңғыш рет айналымға еңгізіліп отырған материалдарға аударылды.

Әдеби кеш ҚР Тұңғыш Президенті Музейінің «Ұлттық игілік» музейаралық жобасы негізіндегі серіктестердің мұражайтанушылық жұмысының нәтижесі болып табылады.

Әдеби кештің қонақтары ретінде ақын шығармашылығының зерттеушілері Л.Н. Гумилев атындағы Еуразия Ұлттық университетінің проректоры, ф.ғ.д., профессор Диқан Қамзабекұлы, ф.ғ.д., профессор Серік Негимов, Л.Н. Гумилев атындағы Еуразия Ұлттық университетінің ғылыми кітапханасының директоры Бақытжан Оразалиев. М.Ж. Көпейұлының шөберелері: ф.ғ.д., профессор Нартай Жүсіп, т.ғ.д., доцент Лаура Жүсіп, тарихшы Әсет Пазылов қатысты.


 

2016 жылдың  28 наурызында Қазақстан Респубикасы Тұңғыш Президентінің Музейінде «BI Жұлдызай 2016» мүмкіндігі шектеулі балалар шығармашылығының XI Республикалық фестивалінің басталуына арналған баспасөз конференциясы өтті. «BI Жұлдызай» балалар шығармашылығының республикалық  фестивалі жыл сайын Қазақстанның барлық өңірлерінің балаларын біріктіреді. Фестивальдің негізгі мақсаты - мүмкіндігі шектеулі балаларды шығармашылық әлеуметтендіру. 11 жыл ішінде фестивальге 36 583 балалар қатысты. Фестиваль жыл сайын Қазақстан Республикасы Білім және ғылым министрлігінің, сондай-ақ облыстық және қалалық Білім басқармаларының қолдауымен өткізіліп келеді.  Биылғы жылғы фестиваль бірқатар жаңа серіктестердің қолдауымен жүзеге асырылуда.
 
2016 ж. бірінші іріктеу туры 5 сәуірде басталады. Әділқазы алқасы құрамындағы Қор жетекшілері мен қазақстандық эстрада жұлдыздары еліміздің  16 қалаларын: Алматы, Талдықорған, Шымкент, Тараз, Қызылорда, Атырау, Ақтау, Ақтөбе, Орал, Өскемен, Павлодар, Көкшетау, Петропавл, Қостанай, Қарағанды және Астанада аралап шығады. Әділқазылар алқасы қатысушылардың өнерін алты номинация: «хореография», «вокалдық орындау», «аспаптық орындау», «әнді ишаралық орындау», «сәндік-қолданбалы өнер шығармашылық», «бейнелеу өнері» бойынша бағалайды.
 
31 мамыр күні Музей алаңында биылғы ХІ фестивальдің «бейнелеу өнері», «сәндік қолданбалы өнер шығармашылығы» номинациялары бойынша жеңімпаздар жұмыстарының көрмесі өткізіледі және фестиваль жеңімпаздары салтанатты түрде марапатталады. Балалар шығармашылығының республикалық фестивалі дәстүр бойынша 1 маусым - Балаларды қорғау күнінде «Қазақстан» Орталық концерт залында аяқталады.  

 

2016 жылдың 26 ақпанында Олимпиадалық спорт Күнін өткізу аясында Қазақстан Тәуелсіздінің 25 жылдығына арналған Астана қаласы мектеп оқушыларының Қазақстан Республикасының Ұлттық Олимпиялық комитеті басшылығымен кездесуі өтті.
 
Салтанатты түрде Музей қорына Қазақстан Республикасы Ұлттық олимпиадалық комитетінің жылсайынғы сыйлығының үлгісі табыс етілді. Сыйлық материалдық жәдігерлердің бірегей топтамасы спорттық  жүлделер қатарынан құрметті орын алды, олардың арасында: олимпиада чемпионы А. Винокуровтің велосипеді, Б. Артаевтың  «Афинадағы Олимпиадалық ойындардың чемпионы тәжі», бокстан әлем және олимпиада чимпионы С. Сапиевтің боксерлік қолғаптары, IBF және IBА дәрежесіндегі бокстан әлем чемпиондары В. Жиров және М. Мәзімбаевтардың белдіктері, олимпиада чемпионы О. Шишигинаның медалі, факел және VII қысқы Азия ойындары медальдерінің жиынтығы, VII қысқы Азия ойындары чемпиондары -хоккейшілердің қолтаңбалары жазылған доп таяқтары, және басқалары бар. Музей жинақтарының қатары Қазақстанның спорттық даңқы жайында айтуға лайықты тағы бір шоқтығы биік  жәдігермен толықты.