2015 ж.

29 қыркүйек – 29 қазан 2015 ж.

Ақмола облыстық тарихи-өлкетану мұражайындағы «Қазақстан: бейбітшілік, руханият және келісім территориясы» көрмесі.

     2015 жылдың 29 қыркүйегінде Ақмола облыстық тарихи-өлкетану мұражайында Қазақстан Республикасы Тұңғыш Президенті Музейінің (Астана қ.) қорынан жинақталған «Қазақстан: бейбітшілік, руханият және келісім территориясы» атты көрменің ашылу салтанаты өтті.
     Көрмені Ақмола облысы мәдениет басқармасының басшысы С.Б. Бурбаева, Қазақстан Республикасы Тұңғыш Президенті Музейі директорының орынбасары К.Қ. Ақтаева ашты.
   Көрменің ашылу салтанатына жергілікті билік органдарының жетекшілері, қоғам өкілдері, Ақмола облысы бойынша Қазақстан халқы Ассамблеясының өкілдері, Көкшетау қаласының мұражайларының, мәдени мекемелерінің директорлары қатысты.
     Көрмеде тәуелсіз Қазақстанның мерейтойлық күндері - Конституция мен Қазақстан халқы Ассамблеясының 20 жылдығына байланысты құжаттар, фотосуреттер мен мұражай құндылықтарынан тұратын 100 аса жәдігер қойылды.
    Көрменің негізгі мазмұнын Қазақстан Республикасы Тұңғыш Президенті Музейі қорындағы бірегей материалдар жинағы ашты: Н.Ә. Назарбаевтың жеке заттары мен құжаттары, шетел мемлекеттерінің басшылары мен үкіметтерінен табыс етілген сыйлықтар, жас мемлекеттің дамуы мен халықаралық беделін нығайтуға бағытталған Елбасының қызметін, бастамаларын айқындайтын фото және мұрағат құжаттары.
     Келушілер Қазақстан халықтарының ұлттық мәдениетін, тілін және әдет-ғұрпын білдіретін бейнелеу өнері және сәндік-қолданбалы өнер туындыларын: күміс бұйымдары, паннолар, мүсіндер, кәдесыйлық композициялар, тұрмыстық заттар, кілемдер мен әлем халықтарының ұлттық киімдерін тамашалады.


16 шілде – 20 қыркүйек 2015 ж.

Солтүстік Қазақстан облыстық тарихи-өлкетану мұражайындағы «Қазақстан: бейбітшілік, руханият және келісім территориясы» көрмесі.
      2015 жылдың 16 шілдесінде Солтүстік Қазақстан облыстық тарихи-өлкетану мұражайында Қазақстан Республикасы Тұңғыш Президенті Музейінің (Астана қ.) қорынан жинақталған «Қазақстан: бейбітшілік, руханият және келісім территориясы» атты көрменің ашылу салтанаты өтті.
     Көрмені Солтүстік Қазақстан облысы әкімінің орынбасары А.Қ. Дүйсенова, Қазақстан Республикасы Тұңғыш Президенті Музейінің директоры А. Сағынғали, Солтүстік Қазақстан облысының Қазақстан халқы Ассамблеясы хатшылығының басшысы Н.К. Салимов ашты.
     Көрменің ашылу салтанатына жергілікті билік органдарының жетекшілері, қоғам өкілдері, Петропавл қаласы мұражайларының, мәдени мекемелерінің директорлары қатысты.
     Көрмеде тәуелсіз Қазақстанның мерейтойлық күндері – Конституция мен Қазақстан халқы Ассамблеясының 20 жылдығына байланысты құжаттар, фотосуреттер мен мұражай құндылықтарынан тұратын 111 жәдігер қойылды.
     Көрменің негізгі мазмұнын Қазақстан Республикасы Тұңғыш Президенті Музейі қорындағы бірегей материалдар жинағы ашты: Н.Ә. Назарбаевтың жеке заттары мен құжаттары, шетел мемлекеттерінің басшылары мен үкіметтерінен берілген сыйлықтар, жас мемлекеттің дамуы мен халықаралық беделін нығайтуға бағытталған Елбасының қызметін, бастамаларын көрсететін фото және мұрағат құжаттары.
     Келушілер Қазақстан халықтарының ұлттық мәдениетін, тілін және әдет-ғұрпын ашатын бейнелеу өнері және сәндік-қолданбалы өнер туындыларын: күміс бұйымдары, паннолар, мүсіндер, кәдесыйлық композициялар, тұрмыстық заттар, кілемдер мен әлем халықтарының ұлттық киімдерін тамашалады.


25 маусым – 27 шілде 2015 жыл

Санкт-Петербург қаласындағы Смольный соборының концерттік-көрме залындағы «Қазақстан жолы» көрмесі.

Санкт-Петербург қаласындағы Смольный соборының концерттік-көрме залында Қазақстан Республикасы Тұңғыш Президенті Музейінің қорынан құралған «Қазақстан жолы» көрмесі өтті. Көрме «Мәдениет арқылы үнқатысу» халықаралық серіктестік жобасының аясында Музей және «Исаакиевский собор» Мемлекеттік музей-ескерткішімен бекітілген Меморандум негізінде ұйымдастырылды.
Бірегей деректі және фотосуреттер жиынтығы сонымен қатар Қазақстан Республикасы Тұңғыш Президенті Музейінің қорындағы жәдігерлер топтамасы көрмені ұйымдастырудың негізгі мақсатын айқындады – ол Қазақстанның қазіргі заманғы тарихындағы өзекті оқиғалар тізбегін көрсету. Қазақстан Республикасы кешегі Кеңес Одағы ыдырағаннан кейінгі тұрақсыздықтан өзінің ұзақ жылдарға арналған даму стратегиясын анықтаған мемлекетке айналды. Көрме материалдары Қазақстанның болашағына ұмтылған реформалар мен оқиғаларды көрсетуге арналды.  Олардың ішінде: Семей ядролық сынақ полигонының жабылуы, ұлттық валютаның енгізілуі, Конституцияның қабылдануы, Елордамыздың Алматыдан Астанаға көшірілуі және т.б. Экспозиция «Болашақты жасау», «Тәуелсіздіктен жаһандануға дейін», «Шындыққа арналған арман», «Бейбітшілік пен келісім аймағы», «Тұлғалық қасиеттер» атты Қазақстанның қазіргі заман тарихымен дәйекті таныстыратын бес бөлімнен құралды.
«Қазақстан жолы» көрмесінің материалдары Қазақстан Республикасының егемендігін қалыптастырудағы өзіндік «Қазақстан жолын» айқындаған Н.Ә.Назарбаевтың жеке тұлғалық қасиеттерін жан-жақты көрсетті.
 
Көрменің ашылу салтанатына Музей директоры Алма Сағынғали, Санкт-Петербург үкіметінің өкілі және Қазақстан Республикасының Бас консулы Ермек Пірімбетов қатысты. Көрменің ашылу құрметіне арнайы ұйымдастырылған концертте алғашқы рет ресейлік көрермен алдында қазақстандық орындаушылар виолончель, скрипка және фортепиано үшін жазылған А. Жайым өңдеуінен өткен Дәулеткерейдің «Кероғлы» күйін орындады. Сонымен қатар Смольный соборының камерлік хоры орыс және қазақстандық авторлардың туындыларып орындады.