Қазақстан және Корея: мәдениетаралық ынтымақтастықтың жаңа кезеңі

Қазақстан және Корея: мәдениетаралық ынтымақтастықтың жаңа кезеңі

2017 жылы 30 наурызда «Қазақстан Республикасының Тұңғыш Президенті – Елбасы кітапханасы» мемлекеттік мекемесі директорының орынбасары  Күләйша Ақтаеваның Корея Республикасы Ұлттық Музейінің бастамасымен Корея Республикасының Ұлттық Музейі Азия  өнері Департаментінің жетекшісі Чой Сонджу мырзамен кездесуі өтті.

Бұл кездесуге 2015 жылы Сеулдегі Қазақстан Республикасы Тұңғыш Президенті Музейі қорынан   Қазақ хандығы құрылуының  550 жылдығына арнап ұйымдастырылған «Қазақстанның мәдениеті – Ұлы Дала тарихы» көрмесі де себеп болды. Корея Республикасы мен Орталық Азия елдері арасындағы ынтымақтастық бойынша IX Форумы мен сауда-туристтік Роуд-шоуының аясында өткен бұл іс-шара ЭКСПО-2017 көрмесі дайындығының қарсаңында еліміздің мәдени туризмінің әлеуетін көрсетті.

Келіссөз барысында екіжақты ынтымақтастықтың одан әрі дамуының, Корея Республикасы Ұлттық Музейінде көрме жобаларының ұйымдастырылуы талқыланды.

Қонақтар Музейдің экспозициялық залдарымен танысқаннан кейін Қазақстанның қазіргі дамуына оң баға беріп, Елбасы Н.Ә. Назарбаевтың тарихи рөлін ерекше атап өтті.

Жүздесу соңында қонақтар ұйымдастырылған кездесуге және жүргізілген жоғары сапалы экскурсия үшін алғыстарын білдірді.